Ўзбекистонда 8 ой ичида 25 минг нафарга яқин бола ота ёки онасиз яшашга мажбур бўлди.

ЎзАнинг хабар беришича, жорий йилнинг 8 ойида мамлакатимизда 33 мингдан ортиқ оила ажрашган. Мамлакатдаги оилавий ажрашишлар сабаб, жорий йилнинг ўтган 8 ойида 25 минг нафарга яқин болалар ота ёки онанинг тўлиқ меҳридан бебаҳра қолмоқда.

2022 йилда Оила ва хотин-қизлар қўмитаси томонидан “xotin-qizlar.uz” миллий платформаси яратилган. Унга маҳалладаги хотин-қизлар фаоллари томонидан “Хонадонбай”, “Фуқаробай” ёндашув асосида мамлакатдаги 17,8 миллиондан зиёд хотин-қизлар тўғрисидаги маълумотлар киритилган.