Нилуфар Аллабергенова Тошкент шаҳри Яккасарой тумани ҳокими лавозимига тайинланди.

Нилуфар Аллабергенова 1971 йилда Тошкент шаҳрида туғилган. 1995 йилда Тошкент давлат юридик институтини тамомлаган.

Қатор масъулиятли вазифаларда, шу жумладан, турли йилларда Яшнобод, Чилонзор ва Мирзо Улуғбек туманларида прокурор ўринбосари лавозимларида ишлаган.

2019 йилдан шу кунга қадар Яккасарой тумани прокурори сифатида фаолият юритган.

Бу Тошкентдаги туманлардан бирига биринчи марта аёл киши раҳбарлик қилиши ҳисобланади.

Яккасарой туманига 2019 йил сентябридан буён раҳбарлик қилиб келган Анвар Сайфиддинов бир неча кун олдин Миробод тумани ҳокими лавозимига тайинланди.