Қиличбозликнинг сабля йўналиши бўйича Ўзбекистон аёллар жамоаси ажойиб ғалабага эришди. Зайнаб Дайибекова, Гулистан Пердибаева, Паола Плиего ва Фернанда Эррера тўртлигидан иборат жамоа финал жангида япониялик рақибларини 45:42 ҳисобида мағлубиятга учратиб, Осиё Ўйинлари чемпионига айланди. 

Чоракфиналда Сингапурга қарши баҳс олиб борган терма жамоа 45:32 ҳисобида ғалаба қозониб, яримфиналга йўл олганди. Финал йўлланмаси учун курашда эса вакилларимиз мезбонлар устидан 45:43 ҳисобида ғалаба қозонди.

Бу Ўзбекистон учун қиличбозлик спортида Осиё Ўйинларида қўлга киритилган биринчи олтин медал ҳисобланади.