Қашқадарё вилояти Чироқчи туманида ИИБ ходимларининг қонуний талабига буйсунмаган шахсга нисбатан жиноят иши қўзғатилди.

Маълум қилиниша, 2021 йил 27 ноябрь куни соат 16:10 ларда Қашқадарё вилояти Чироқчи тумани ҳудудида қоидабузарлиги учун тўхтатилган 1998 й.т. Lacetti русумли автомобил ҳайдовчиси Ҳ. А. ИИО ходимларининг қонуний талабига бўйсунмасдан, атрофдагиларнинг ҳаёти ва соғлиғига хавф солган ҳолда воқеа жойидан қочиб кетишга уринган.

Мазкур ҳолат тегишли тартибда ҳужжатлаштирилиб, автомобиль вақтинча сақлаш учун жарима майдонига жойлаштирилган.

Ҳайдовчи Ҳ. А.га нисбатан Чироқчи тумани прокуратураси томонидан Жиноят кодексининг 219-моддаси 1-қисми Ҳокимият вакилига ёки фуқаровий бурчини бажараётган шахсга қаршилик кўрсатиш) билан жиноят иши қўзғатилган ҳамда у ЖПКнинг 221-моддаси тартибида ушланган.