Жанубий Корея киноижодкорлари томонидан яратилган “Жаҳаннамга чорлов” (инг: “Hellbound”, рус: “Зов ада”) сериали Netflix рейтингида “Калмар ўйини”ни ортда қолдириб, биринчи ўринга чиқиб олди.   

Фантастика ва хоррор жанрида яратилган мини сериалнинг премьераси Netflix  сайтида 19-ноябрь куни бўлиб ўтди ва уч кун ўтиб юқори рейтингни эгаллади.

Ушбу сериал режиссёр Ён Сан Хо томонидан суратга олинган. Унда иблислар тўдаси ва инсонлар ўртасидаги кураш тасвирланади. “Жаҳаннамга чорлов” Торонто халқаро фестивалида иштирок этган илк корейс сериали саналади.