Мактабгача таълим вазирлигида ОАВ вакиллари учун «Мактабгача таълим соҳасидаги ислоҳотлар самараси 4 йил ичида» мавзусида очиқ мулоқот ҳамда 9 декабрь «Халқаро коррупцияга қарши курашиш куни» муносабати билан вазирликда «Очиқ эшиклар куни» ташкил этилди.

Мулоқотда маълумот берилишича, Ўзбекистонда истиқомат қилаётган 35 млн аҳолининг 2,8 миллиони 3 ёшдан 7 ёшгача бўлган болалар. Бунда аҳолининг йиллик ўсиши 800 минг болага тўғри келади.

2020 йилда мактабгача ёшдаги аҳолининг 64,9 фоизи мактабгача таълим билан қамраб олинди.

«Ўзбекистон Республикаси Мактабгача таълим тизимини 2030 йилгача ривожлантириш концепциясини тасдиқлаш тўғрисида»ги Ўзбекистон Республикаси Президентининг қарорига мувофиқ, 2030 йилга келиб мактабгача таълимга болаларнинг 80,8 фоизини қамраб олиш режалаштирилган.