Ўзбекистон миллий терма жамоаси ҳимоячиси Абдуқодир Ҳусанов фаолиятини Францияда давом эттиради.

19 ёшли футболчи Франция вице-чемпиони “Ланс” клуби билан 4 йиллик шартнома имзолади. Ўзбекистонлик футболчи “Ланс”да 25-рақам остида тўп тепади.

Шу тариқа Ҳусанов Франция чемпионатида ўйнайдиган биринчи ўзбекистонлик футболчига айланади.

Лансликлар якунланган мавсум Франция чемпионатида “ПСЖ”дан (85) бир очко кам (84) жамғариб, 2-ўринни эгаллаган ҳолда янги мавсумдан Европа Чемпионлар лигасида иштирок этади.

Ҳусанов жорий мавсум Минскнинг “Энергетик-БГУ” клуби сафида 8 ўйинда битта голга муаллифлик қилган. Шунингдек, у Ўзбекистон миллий жамоаси сафида CAFA Nations Cup-2023 баҳсларида дебютини ўтказди.

Қайд этиш керак, Абдуқодир Европа кучли бешлик чемпионатларида ўйнайдиган иккинчи ўзбекистонлик футболчига айланади. Бунгача Элдор Шомуродов Италия чемпионатида тўп сураётганди.

Оyina.uz'ни Телеграмда ўқинг!