Бугун, 24 июль куни Тошкент шаҳридаги бир нечта маҳаллада электр энергияси вақтинча ўчирилади.

“Ҳудудий электр тармоқлари” АЖ Тошкент шаҳар филиалининг хабар беришича, Тошкент шаҳрида узоқ вақт фойдаланишда бўлган кабеллар ва трансформаторларни модернизация қилиш, истеъмолчиларга сифатли ва барқарор электр энергияси етказиб бериш, электр тармоқларидаги авариявий ҳолатларнинг олдини олиш ҳамда куз-қиш мавсумига пухта тайёргарлик кўриш мақсадида олиб бориладиган таъмирлаш ишлари сабабли қуйидаги манзилларда электр таъминоти вақтинчалик тўхтатилади:

Юнусобод тумани: “Юнусобод” ва “Акбаробод” МФЙларида соат 10:30 дан 15:00 гача;

Яккасарой тумани: «А.Қаҳҳор» МФЙсида соат 9:00 дан 16:00 гача.

Юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлиги ҳам билдириб ўтилган.