Henley & Partners халқаро консалтинг компанияси томонидан тузилган дунёнинг энг кучли паспортлари рейтингида Ўзбекистон 78-ўринни эгаллади.

Республика паспортига эга бўлганлар 59 та давлатга визасиз ёки соддалаштирилган тартибда кириш имконига эгалиги таъкидланади. Рейтингда битта ўринга бирдан ортиқ давлатлар тўғри келган. Шу тариқа Ўзбекистондан ташқари Буркина-Фасо, Кот-дЪИвуар, Габон, Мавритания, Сан-Томе ва Принципи, Тожикистон ҳам 78-ўринни қайд этган.

Сўнгги беш йил ичида биринчи марта кучли паспорт етакчиси ўзгарган, Жумладан Сингапур паспорти биринчиликни олган (192 давлатга визасиз кириш). Германия, Италия ва Испания (190 давлат) иккинчи ўринга кўтарилган бўлса, Япониядан ташқари Австрия, Люксембург, Финляндия, Франция, Швеция ва Жанубий Корея (189 давлат) учинчи ўринни эгаллаган.

Украина 30-ўрин (146 та давлат), Россия 49-ўрин (115 давлат), Туркия 50-ўринни (114 давлат) қайд этган.

Марказий Осиё давлатларининг паспорт рейтингидаги ўрни қуйидагича:

Қозоғистон 66-ўрин (77 давлат);
Қирғизистон 76-ўрин (63 давлат);
Ўзбекистон ва Тожикистон 78-ўрин (59 давлат);
Туркманистон 87-ўрин (50 та давлатга визасиз);
Афғонистон 103-ўрин (27 та давлат).

Аввалроқ Passport Index томонидан эълон қилинган рейтингда Ўзбекистон паспорт мустаҳкамлиги бўйича дунё рейтингида 71-ўринни эгаллаганди. Ўзбекистон паспортига эга бўлган фуқаролар 26 та давлатга визасиз, яна 45 та давлатга эса етиб боргандан кейин визани олишлари мумкинлиги айтилган.

Oyina.uz'ни Телеграмда ўқинг!