Бугун, 4 июль куни Шанхай ҳамкорлик ташкилоти (ШҲТ) Эрон расман ташкилотга аъзо бўлганини эълон қилди. Бу ҳақда Ҳиндистон раислигидаги ташкилотнинг 23-саммитида қарор қабул қилинди. Виртуал учрашув ШҲТ Котибияти томонидан трансляция қилинди.

Алоҳида қайд этилишича, Эрон давлатлараро бирлашманинг тўққизинчи аъзосига айланган. Шу муносабат билан Пекиндаги ташкилот котибиятида Эрон байроғини кўтаришга бағишланган тантанали маросим бўлиб ўтган.

Маълумот учун, ШҲТ 2001 йил 15 июнда Шанхайда ташкил топган. Дастлаб ташкилот таркибига олтита давлат – Россия, Қозоғистон, Қирғизистон, Хитой, Тожикистон ва Ўзбекистон кирган бўлса, 2017 йилда Ҳиндистон ва Покистон қўшилди.