«Олий ва ўрта махсус таълим вазири Aбдуқодир Тошқулов талабалар учун яратилган шароитлар билан яқиндан танишиш мақсадида Тошкент давлат техника университетининг 54-талабалар турар-жойини бориб кўрди», - дея хабар бермоқда вазирлик ахборот хизмати.

Қайд этилишича, ётоқхонани кўздан кечириш жараёнида бинода интернет тезлиги етарли эмаслиги, спорт зал йўқлиги, шунингдек, талабалар дарсликлар билан тўлиқ таъминланмагани, бадиий адабиётлар танқислиги, дарс тайёрлашга мўлжалланган хоналарда гилам ва ёритгичлар етишмаслиги, маънавият хонасидан деярли фойдаланмаслик ҳолатлари аниқланган.

«Ўрганишлар сўнгида вазир мазкур олий таълим муассасаси раҳбариятига қисқа муддатда юқоридаги камчиликларни бартараф этиш юзасидан топшириқ берди», - дейилади хабарда.