«InnoWeek-2021» Халқаро инновацион ғоялар ҳафталиги доирасида Инновацион ривожланиш вазирлиги томонидан Путин эътиборига тушган қизлар тақдирланди. Бу ҳақида Инновацион ривожланиш вазирлиги матбуот хизмати хабар бермоқда.
 

Инновацион ривожланиш вазир ўринбосари Ш.Турдиқулова ҳафталик доирасидаги «Сунъий интеллект — технологик ривожланиш асоси» мавзусидаги халқаро конференцияда "IT Queens" жамоаси қизларини саҳнага таклиф қилган ва уларга эсдалик совғаларини топширган.

Эслатиб ўтамиз, "IT Queens" жамоаси қизлари «Россия 24» телеканалида Россия Федерацияси президенти Владимир Путин иштирокида ўтказилаётган «Сунъий интеллект оламига саёҳат» мавзусидаги “Al Journey 2021» халқаро конференциясида Ўзбекистон номидан иштирок этишган. Улар конференцияда Deepfake’ларни аниқлаш бўйича ечимларни намойиш этиб, Владимир Путин эътиборига тушган эди.