11—17 июнь кунлари Хива шаҳрида Мактабгача ва мактаб таълими вазирлиги томонидан илк маротаба Абу Райҳон Беруний номидаги халқаро кимё олимпиадаси ташкил этилади.

Ушбу олимпиадада Германия, Туркия, Озарбойжон, Ҳиндистон, Ветнам, Жазоир, Бразилия, Беларус, Россия, Қозоғистон, Оман султонлиги, Грузия, Туркманистон, Қирғизистон, Тожикистон каби мамлакат ўқувчилари иштирок этади.

Урганч халқаро аэропортида Халқаро кимё олимпиадаси иштирокчиларини кутиб олиш бошланган. Бир муддат олдин Озарбойжон, Россия, Қозоғистон, Тожикистон, Ҳиндистон, Туркия давлатларидан келган 60 дан ортиқ иштирокчи ўқувчи-ёшлар ҳамда уларнинг устозлари Хоразм вилоятига етиб келишди.