Хоразм вилояти Янгибозор туманида «Маънавият ва маърифат маскани» фойдаланишга топширилди. Унда «IT markaz» ва Ахборот кутубхона маркази фаолияти йўлга қўйилиб, замонавий жиҳозлар билан таъминланган.

Кутубхона 150 мингдан зиёд китоблар, замонавий ўқув зали, катта ҳажмдаги лед монитор ва бепул интернетга эга. Бу эса туман аҳолисининг китобхонлик маданияти шаклланишида муҳим аҳамият касб этади. Ҳозирда кутубхонага кунига 200 нафардан ортиқ китобхон ташриф буюряпти.

Шунингдек, туман Истироҳат боғига Алишер Навоий, Абу Али ибн Сино, Темур Малик, Ал Хоразмий, Беруний, Замаҳшарий, Мирзо Улуғбек каби алломаларимиз ва тарихий қаҳрамонларимизнинг бюстлари ўрнатилди.

Раҳматжон МАТЮСУПОВ,
Республика Маънавият ва маърифат маркази
Хоразм вилояти Янгибозор тумани бўлинмаси раҳбари