2021 йилнинг 10 ойида йўловчилар томонидан 415 минг дона “Атто” транспорт карталари ҳарид қилинган. Уни тўлдириш учун эса аҳоли томонидан жами 62, 2 млрд сўм сарфланган.

“Атто” бош директори Уйғун Холжигитовнинг айтишича, маҳаллий аҳоли “Атто” карточкаларидан ташқари, “Хумо” ва “Узкарт” орқали ҳам тўлов қилмоқда. Шунингдек, эндиликда сайёҳлар “Виза” картаси орқали транспортга тўлов қилишлари мумкинлигини айтиб ўтди.

Шунингдек, Тошкент метрополитенида FaceРay тизими синовдан ўтказилмоқда. Унинг ёрдамида йўловчи шунчаки валидаторга қараб йўл ҳақи учун тўлов қилиши мумкин. Бунинг учун фойдаланувчи ўз юзини сканерлаши ва уни транспорт ёки банк картаси маълумотлари билан бирга маълумотлар базасига киритиши керак бўлади.