Бугун Низомий номидаги Тошкент давлат педагогика университетининг янги ректори Абдуғаффор Қирғизбоев барча факультетлардаги ўқув, илмий ва маънавий фаолият билан танишди, деб ёзмоқда «ЎзА».

Қайд қилинишича, университетда 13 та факультет мавжуд бўлиб, улар пойтахтимизнинг Чилонзор, Яккасарой, Учтепа, Миробод туманлари ҳамда Тошкент вилоятининг Кенгсой ҳудудида жойлашган.

Ректор талабалар турар жойларида истиқомат қилаётган ёшлар билан ҳам учрашган. Учрашув жараёнида ТТЖларда талабаларга янада енгиллик яратиш мақсадида уларнинг ойлик тўлов муддатлари 50%га арзонлаштирилган.

Бундан ташқари Тошкент вилояти Кенгсой ҳудудида жойлашган ТТЖ талабалари учун эса тўловлар бекор қилинди.