Жорий йилнинг 1 апрелидан бошлаб, айни кунга қадар Ўзбекистонга 6 турдаги 42 млн 805 минг доза COVID га қарши вакцина келтирилган. Шунингдек, йил охирига қадар 5,6 млн доза вакцина келтирилиши кутилмоқда.

Ўзбекистон Республикаси бош давлат санитария врачининг кўрсатма хатига мувофиқ, аҳоли ўртасида коронавирус инфекциясига қарши иммунитетни ошириш мақсадида 2021 йилнинг 17 ноябрь кунидан бошлаб тўлиқ вакцина курсини олган фуқаролар (2 ёки 3 маротаба эмланганлар) бустер доза билан ихтиёрий эмланади.

Маълумот учун, бустер доза иммунитет реакциясини кучайтириш учун эмлашнинг дастлабки курсидан кейинги қўшимча вакцина дозаси ҳисобланади.