Жорий йилнинг 24-26 декабрь кунлари Тошкентдаги Inha университетида «Voice Ai Challenge Uzbekistan» хакатони бўлиб ўтади. Унинг мақсади – ўзбек тилида, овоз маълумотларига асосланган илова, бот, дастур ёки бошқа рақамли маҳсулотни ишлаб чиқиш. Бу ҳақида Тошкент шаҳар ҳокимлиги хабар бермоқда. 

Қайд этилишича, ғолиблар ташкилотчилар томонидан ноутбуклар, планшетлар ва смартфонлар каби қимматли совғалар билан тақдирланади.

Иштирок учун аризалар 2021 йилнинг 21 декабригача қабул қилиниши белгиланган.