«Академнашр» нашриёти томонидан академик Акмал Саидовнинг «Данте: ренессанслар чорраҳасида» китоби чоп этилди.

Ғарбнинг даҳо шоири Данте Алигери (1265–1321) Биринчи Шарқ Уйғониш даври билан Европа Ренессанси даври оралиғида яшаб ўтган. Демакки, у Шарқ Ренессанси қайнар булоқларидан сув ичиб, Ғарб Уйғониш даври боғларини яшнатган.

Дантенинг ижоди Иккинчи Шарқ Уйғониш даврида ҳам жаҳон афкор оммаси, айниқса, маданият, адабиёт ва санъат мухлислари эътиборидан четда қолмаган. Шу маънода бугун биз пойдеворини барпо этаётган Учинчи Ренессанс учун ҳам Ғарбнинг даҳо шоири ва унинг ўзбек тилига буюк таржимони Абдулла Орипов ижоди катта аҳамиятга эга. Китобда ана шу мавзулар теграсида сўз юритилади.