Тошкент шаҳрида болалар ўртасида ўткир респиратор вирусли инфекцияларга чалиниш ҳолатлари кўп кузатилмоқда, деб хабар бермоқда Соғлиқни сақлаш вазирлиги матбуот хизмати.

Қайд этилишича, 1-18 ноябрь кунлари Тошкент шаҳар «Тез ёрдам» хизмати CALL марказига келиб тушган чақириқлар сони 61 минг 152 тани ташкил этиб, болалар бўйича умумий мурожаатлар 20 минг 073 тага етган.

Шундан тана ҳарорати кўтарилган, ЎРВИ ва пневмония ҳолатлари кузатилган 10 минг 642 нафар болага сифатли тиббий ёрдам кўрсатилиб, зотилжамга чалинган 321 нафар бола госпитализация қилинди, дейилади хабарда.

Бир кунда Тошкент шаҳри бўйича болалар учун мурожаатлар сони ўртача 1200-1400 тага кўтарилган.