Қашқадарёда назоратчилар ҳовузга тушиб кетган чиябўриларни қутқариб қолди, дея хабар бермоқда Давлат экология қўмитаси ахборот хизмати.

Қайд этилишича, Қашқадарё вилояти экология ва атроф муҳитни муҳофаза қилиш бошқармаси Яккабоғ туман назорат инспекцияси ходимлари экологик назорат рейд тадбири ўтказаётган вақтда «Алакуйлак» маҳалласидаги фермер хўжалигининг томчилатиб суғоришга мўлжалланган ҳовузига 2 та чиябўри тушиб кетгани аниқланган.

Инспекторлар томонидан чиябўрилар зудлик билан ҳовуздан чиқариб олинган ва табиатга қўйиб юборилган.