Қашқадарё вилоятининг ҳокими Зойир Мирзаев лавозимидан озод этилиши кутилмоқда. Унинг ўрнига шу кунга қадар Божхона қўмитаси раиси лавозимида ишлаб келган Мурод Азимов вилоят ҳокими этиб тайинланади. 

Мурод Азимов 1976 йил Қашқадарё вилоятида туғилган. 1998 йилда Тошкент юридик институтини тамомлаган.

У 2018 йил февраль ойидан буён Божхона қўмитаси раиси сифатида фаолият юритиб келаётган эди.

Зойир Мирзаев 2019 йил октябрь ойида вилоят ҳокими сифатида иш бошлаганди. Унинг қайси лавозимга ўтиши ҳозирча аниқ эмас.