Ҳаво ҳароратининг кескин совиши туфайли Ўзбекистондаги автомобилларга табиий газ тўлдириш шохобчаларига чекловлар жорий этилмоқда. Энергетика вазирлиги ахборот хизматига кўра, куннинг кечки ва тунги вақтларида шохобчалар фаолияти чекланади.

Қайд этилишича, ҳар бир вилоят ўз ҳудудида заправкалар ишлаш вақтини ўзи мустақил равишда белгилайди.

"Ҳурматли истеъмолчилар, вақтинчалик чеклов чоралари ҳаво ҳарорати бироз кўтарилгунга қадар давом этади”, - дейилади хабарда.

Таъкидланишича, АГТКШ тез орада аввалги тартибда ишлаш режимига ўтади.