«Ёш китобхон» танлови учун рўйхатдан ўтиш бошланди. Бу ҳақда Ёшлар ишлари агентлиги директори Алишер Саъдуллаев маълум қилди.

Танловда иштирок этиш ниятида бўлганлар @yoshkitobxon_bot Telegram боти орқали рўйхатдан ўтиши мумкин. Аризалар 1-cентябрга қадар қабул қилинади.

Қайд этилишича, китобхонларнинг таклифлари асосида адабиётлар рўйхати 10-14 ёш тоифасида 50 тадан 40 тага, 15-19 ёш тоифасида 60 тадан 50 тага, 20-30 ёш тоифасида 70 тадан 50 тага камайтирилди ва мазмунан қайтадан кўриб чиқилди. 10-14 ёш тоифасида газета ва журналлар рўйхатдан олиб ташланган.