Бугун, 6 март куни «Атиргул» танлови ғолибларини тақдирлаш маросими бўлиб ўтди.

Танлов Журналистлар уюшмаси томонидан 8 март – Халқаро хотин-қизлар куни муносабати билан журналист аёлларнинг ижтимоий-сиёсий фаоллигини ошириш, ижодий салоҳиятини намоён қилишига кўмаклашиш, эришган ютуқларини эътироф этиш ва уларни рағбатлантириш мақсадида эълон қилинган.

Унда Oyina.uz журналисти Инобат Аҳатова «Сифатли таълим аҳамиятини очиб берган энг яхши материал учун» номинацияси ғолиби бўлди.

Танлов ғолиблари махсус диплом, статуэтка ва пул мукофоти билан тақдирланди.