Наманган туманида Damas русумли автомобиль ҳайдовчиси йўловчи ташиш қоидаларини бузди. Бу ҳақда вилоят Ички ишлар бошқармаси йўл ҳаракати хавфсизлиги бошқармаси Матбуот хизмати хабар берди.

Қайд этилишича, Наманган тумани Ички ишлар бўлими ходимлари томонидан рейд ўтказилаётган вақтда ҳаракатланиб кетаётган Damas ҳайдовчиси тўхтатилган. Рейд давомида ҳайдовчининг автомашинада 25 нафар боғча боласини олиб ҳаракатлангани аниқланган.

Ҳайдовчи ҳар куни бу болаларни боғчадан олиб келиши, фақатгина бугун болалар ортиб кетгани сабаб машинага кўпроқ болаларни олишга мажбур бўлганини маълум қилган.