Месси ва Аргентинага аталган оқшом. ФИФА The Best–2022 совринларини топширди

Сақлаш
14:37 / 28.02.2023 1036 0

ФИФА 27 февраль, душанба оқшомида мавсумнинг энг яхшиларига The Best совринларини топширди.

 

Йилнинг энг яхши ўйинчиси сифатида «ПСЖ» клуби ва Аргентина терма жамоаси ҳужумчиси Лионел Месси эътироф этилди. Ушбу совринга, шунингдек, Франциялик футболчилар Килиан Мбаппе («ПСЖ») ва Карим Бензема («Реал») даъвогарлик қилганди.

 

Йилнинг энг яхши мураббийи номига Аргентина терма жамоаси бош мураббийи Лионел Скалони муносиб топилди. Ушбу совринга даъвогарлар учлигида Карло Анчелотти («Реал») ва Хосеп Гвардиола («Манчестер Сити») ҳам ўрин олганди.

 

Аргентина терма жамоасининг яна бир вакили Эмилиано Мартинес («Астон Вилла») эса йилнинг энг яхши дарвозабонига айланди. Бу борада Мартинесга Тибо Куртуа («Реал», Бельгия) ва Яссин Буну («Севиля», Марокаш) рақобатчилик қилганди.

 

Йилнинг энг чиройли голи муаллифига топшириладиган «Пушкаш соврини»га полшалик Марчин Олекси эга чиқди.

 

Мавсумнинг рамзий терма жамоаси қуйидагича кўриниш олди:

 

Дарвозабон: Тибо Куртуа («Реал», Бельгия);

 

Ҳимоячилар: Ашраф Ҳакими («ПСЖ», Марокаш), Жоау Канселу («Манчестер Сити», Португалия), Виржил ван Дейк («Ливерпул», Нидерландия);

 

Ярим ҳимоячилар: Кевин де Брюйне («Манчестер Сити», Бельгия), Лука Модрич («Реал», Хорватия), Каземиро («Манчестер Юнайтед» / «Реал», Бразилия);

 

Ҳужумчилар: Лионел Месси («ПСЖ», Аргентина), Килиан Мбаппе («ПСЖ», Франция), Карим Бензема («Реал», Франция), Эрлинг Ҳоланд («Манчестер Сити» / «Боруссия Д», Норвегия).

 

 

Шунингдек, қуйидаги совринлар ҳам ўз эгаларига топширилди:

 

Энг яхши футболчи (аёллар) — Алексия Путеляс («Барселона», Испания);

Энг яхши дарвозабон (аёллар) — Мери Эрпс («Манчестер Юнайтед», Англия);

Энг яхши мураббий (аёллар) — Сарина Вигман (Англия аёллар терма жамоаси);

Энг яхши мухлислар — Аргентина терма жамоаси мухлислари;

Фейр-плей соврини — Лука Локошвили (ўйин вақтида рақиб футболчисини сақлаб қолишга ёрдам берган);

Махсус соврин — Пеле.

 

Совриндорлар 2021/22 йилнинг мавсумнинг бошланишидан ЖЧ—2022 нинг тугашигача бўлган даврдаги натижалар бўйича аниқланган.

Изоҳ йўқ

Изоҳ қолдириш

Сўнгги янгиликлар

Барчаси

//