Олий таълим, фан ва инновациялар вазири Иброҳим Абдураҳмонов Sintana Education Company компаниясининг минтақавий ижрочи директори Чари Багчиоглуни қабул қилди.

Вазирлик матбуот хизматига кўра, учрашувда томонлар Ўзбекистонда АҚШ билан ҳамкорликда қўшма университет ташкил этиш лойиҳасини муҳокама қилган.

Ушбу лойиҳага мувофиқ АҚШда инновациялар йўналишида биринчи рақамли Аризона давлат университети билан ҳамкорлик ўрнатиш ва ўзаро ҳамкорликда ўқув ҳамда тадқиқот дастурларини ташкил қилиш кўзда тутилган.