2023 йилнинг январь ойида 423,7 минг нафар чет эл фуқаролари туристик мақсадларда Ўзбекистонга ташриф буюрган.

Статистика агентлигининг маълумотларига кўра, бу кўрсаткич ўтган йилнинг мос даври билан солиштирилганда 254,1 минг нафарга ёки 2,5 бараварга ошган.

Шунингдек, қариндошларни йўқлаш ниятида мамлакатга келганлар (379,6 минг киши) сони ҳам бошқа мақсадлар билан солиштирилганда сезиларли даражада юқори.

2023 йилнинг январь ойида Ўзбекистон Республикасига келган чет эл фуқароларининг сафар мақсадлари қуйидагича:

— дам олиш – 26,9 минг киши;

— хизмат юзасидан – 8,2 минг;

— даволаниш – 5,0 минг киши;

— тижорат – 2,8 минг киши;

— ўқиш мақсадида – 1,2 минг киши.