«Ўзгидромет» бугунги об-ҳаво маълумотини тақдим қилди.

Қайд этилишича, бугун кундуз куни Ўзбекистон бўйича ёмғир ёғади. Қорақалпоғистон Республикасида бироз ёғингарчилик (ёмғир, қор) бўлади. Хоразм, Сурхондарё вилоятларининг баъзи жойларида кучсиз ёмғир кузатилади. Туман тушади.

Шамол 7-12 м/с тезликда эсади, баъзи жойларда 15-20 м/с гача кучаяди. Ҳарорат 4-9° илиқ бўлади.

Пойтахтимизда ёмғир ёғади. Шамол 5-10 м/с тезликда эсади, 12-15 м/с гача кучайиши мумкин. Ҳарорат 6-8° илиқ бўлади.

Тоғ олди ва тоғли ҳудудларида вақти-вақти билан ёғингарчилик (ёмғир, қор), баъзи жойларда кучли бўлади. Республиканинг тоғ олди ва тоғли ҳудудларида сел-сув тошқин ҳодисалари юзага келиши мумкин. Тоғли ҳудудларда қор кўчиши хавфи бор. Баъзи жойларга туман тушади. Шамол 7-12 м/с тезликда эсади, баъзи жойларда 15-20 м/с гача кучайиши мумкин. Ҳарорат 0-5° илиқ бўлади.