Ўзбекистон ва Озарбойжон эксперт-таҳлил доиралари вакиллари ўртасида телекўприк уюштирилди, деб хабар бермоқда «Дунё».

Тадбир давомида иштирокчилар Ўзбекистонда турли соҳаларда амалга оширилаётган ислоҳотлар муваффақиятига ўз баҳоларини билдирди, Ўзбекистон-Озарбойжон муносабатларининг бугунги ҳолати ва уларни янада ривожлантириш йўллари ҳақида ўзаро фикр алмашди.

Экспертлар ўз чиқишларида 23-24 февраль кунлари Тошкент шаҳрида бўлиб ўтадиган минтақалараро форумнинг давлатлараро муносабатларни янада ривожлантиришдаги ўрни ва аҳамиятини алоҳида таъкидлади.

Элчихона маълумотларига кўра, Ўзбекистон дипломатия ваколатхонаси томонидан ташкил этилган ушбу тадбир ҳақидаги хабар-мақола ва видеоматериаллар Озарбойжон оммавий ахборот воситаларида атрофлича ёритилди.