Ижтимоий тармоқларда Тошкент вилоятида аёл ўз фарзандлари кўз олдида зўрлангани бўйича хабарлар тарқалди.

Маълумотларга кўра, Бўстонлиқ туманида 4 нафар эркак 39 ёшли аёлни зўрлаб, уни аёвсиз калтаклаган.

Бош прокуратуранинг хабар беришича, 2022 йил 28 декабрь куни Тошкент вилояти, Бўстонлиқ туманида яшовчи 39 ёшли аёл зўрланганлиги ҳолати юзасидан Жиноят кодексининг 118 (Номусга тегиш) ва 119-модда (Жинсий эҳтиёжни зўрлик ишлатиб ғайритабиий усулда қондириш)лар билан жиноят иши қўзғатилган. 

Жиноят иши доирасида 4 (тўрт) нафар шахсга нисбатан “қамоққа олиш” эҳтиёт чораси қўлланилган.

Бўстонлиқ тумани ИИБ ҳузуридаги Тергов бўлими томонидан тергов ҳаракатлари олиб борилмоқда.

Тергов жараёни Тошкент вилояти прокуратураси томонидан назоратга олинган, дейилади хабарда.