Ўзбекистон аҳолисининг 56 фоизи ортиқча вазнга эга. Бу ҳақда Шавкат Мирзиёев 13 февраль куни ижтимоий соҳаларга масъул раҳбарларни қабул қилган йиғилишда маълум қилинган.

Таъкидланишича, бугунги кунда аҳолининг 56 фоизида ортиқча вазн, 30 фоизида сурункали касалликлар бор. Шу боис «Тўғри овқатланиш ва соғлом турмуш тарзи» умуммиллий ҳаракати бошланиши маълум қилинган.

Шунингдек, тиббиёт таълимига илғор хорижий тажрибани жорий қилиш, тизимни рақамлаштириш ва тиббий суғуртани йўлга қўйиш орқали хизмат сифатини ошириш бўйича кўрсатмалар берилган. Аҳолини қийнаб келаётган онкологик, юрак-қон томир ва эндокрин касалликлар бўйича эрта ўлимни кескин камайтириш муҳимлиги таъкидланган.