Ўзбекистон Журналистлар уюшмаси томонидан 2023 йил 10 февраль куни Миллий матбуот марказида Ўзбекистон миллий телерадиокомпанияси томонидан нашрга тайёрланган «Ўзбекистон телерадиоси» номли китоб-энциклопедиянинг тақдимот маросими ўтказилди.

Мазкур китоб-энциклопедияда радио ва телевидение тизимида самарали меҳнатлари эвазига юксак мукофотларга сазовор бўлган ходимларнинг автобиографик маълумотлари акс этган.

Китоб журналистика соҳасида фаолият олиб бораётган мутахассис-олимлар, шунингдек, олий ўқув юртларининг тадқиқотчи ва талабалари ҳамда кенг китобхонлар учун мўлжалланган.