Сирдарё вилояти Боёвут туманида масъулияти чекланган жамият раҳбари мазкур МЧЖга қурилиш материаллари ишлаб чиқариш учун нотурар жой сифатида берилган 1 гектар ер майдонининг 50 сотихини турар жой қуриш учун кадастр тизимидаги танишлари орқали 12,5 минг долларга харидор номига расмийлаштириб беришга келишади.

ДХХнинг Сирдарё вилояти бўйича бошқармаси томонидан ўтказилган тадбирда у келишилган пулни олган вақтида ушланди.

Шунингдек, Андижон вилоятида икки нафар фуқаро Улуғнор туманидаги фермер хўжалик раҳбарининг ишончига кириб, фермер хўжалигига боғдорчилик учун ажратилган 4 гектар ер майдонининг кадастр ҳужжатлари ва расмий муҳрини қўлга киритади.

ДХХнинг Андижон вилояти бўйича бошқармаси томонидан ўтказилган тадбирда мазкур фуқаролар 4 гектар ерни 148 млн сўмга харидор номига расмийлаштириб беришга келишиб, ундан сўралган пулни олган вақтида қўлга олинди.

Юқоридаги ҳолатлар юзасидан ушбу шахсларга нисбатан жиноят ишлари қўзғатилган.