Ўзбекистон Фавқулодда вазиятлар вазирлиги ходимлари томонидан Туркиянинг Ҳатай вилоятида зилзила оқибатларини бартараф этиш вақтида вайроналар остидан яна 2 нафар жабрланган инсон олиб чиқилган.

Бундан ташқари, сўнгги бир неча соат ичида Ўзбекистон ФВВ ходимлари харобалар остидан 18 нафар ҳаётдан кўз юмган инсонни чиқарган.

Шундай қилиб, қидирув-қутқарув операцияси бошланганидан буён ўзбекистонлик қутқарувчилар вайроналар остидан жами 11 нафар жабрланган ва 33 нафар ҳалок бўлган кишиларни олиб чиққан.