Ижтимоий тармоқларда номаълум шахс дўкон ёнига ўрнатилган хайрия қутисини ўғирлаётгани акс етган видео тарқалди. Ушбу ҳолат юзасидан пойтахт ИИБ расмий изоҳ берди.

Қайд этилишича, жорий йилнинг 2 февраль куни соат тахминан 00:47 ларда 20 ёшли Ёқуб исмли шахс Олмазор тумани Қўштут маҳалласида жойлашган дўкон ёнида ўрнатилган эҳсон қутисини ўғирлаб, воқеа жойидан яширинган.

Мазкур ҳолат юзасидан Ўзбекистон Республикаси Жиноят кодексининг 169-моддаси (“Ўғирлик”) билан жиноят иши қўзғатилган. Кўрилган тезкор чоралар натижасида ушбу шахс аниқланиб, қўлга олинди. Тергов ҳаракатлари давом этмоқда.