8−9 февраль, чоршанба ва пайшанба кунлари А-373 «Тошкент — Ўш» автомобиль йўлининг Қамчиқ довонидан ўтган қисмида қор ёғиши, вақти-вақти билан кучли ёғингарчилик, туман кузатилиши, кўринувчанлик 50 метргача пасайиши кутилмоқда, дея хабар берди «Ўзгидромет» матбуот хизмати.

Бундан ташқари, довонда шамол тезлиги 15−20 м/с гача кучайиши, автойўлда яхмалак ва қор уюмлари юзага келиши мумкин.

8−13 февраль кунлари кутилаётган ёғингарчилик ва ҳаво ҳароратининг сезиларли ўзгариши муносабати билан Ўзбекистоннинг тоғли ҳудудларида қор кўчкиси хавфи эълон қилинди:

– Қашқадарё вилоятида: Китоб ва Шаҳрисабз туманларида;

– Сурхондарё вилоятида: Қумқўрғон, Сариёси, Узун ва Бойсун туманларида;

– Самарқанд вилоятида: Самарқанд ва Ургут туманларида;

– Жиззах вилоятида: Зомин ва Бахмал туманларида;

– Тошкент вилоятида: Паркент, Оҳангарон, Бўстонлиқ туманлари ва Чимён тракти бўйлаб;

– Наманган вилоятида: Поп туманида;

– Фарғона вилоятида: Сўх ва Фарғона туманларида.

Эслатиб ўтамиз, Ўзгидромет маълумотларига кўра, пайшанба куни Ўзбекистон ҳудудига совуқ антитциклон оқими кириб келади, бутун мамлакат бўйлаб ёғингарчилик кутилмоқда — ёмғир қорга айланади. Ҳаво ҳарорати кечаси -12, кундузи -2 даражагача тушади.