Мактаб ўқувчиси овоз сенсори модулини яратди. Бу ҳақда Бухоро вилояти ҳокимлиги ахборот хизмати хабар бермоқда.

Хабарда ёзилишича, Бухоро шаҳридаги 28-мактаб ўқувчиси Нурмуҳаммад Мерожов овоз сенсори модулини яратган. Ушбу сенсор овоз баландлиги белгиланган чегарадан юқори бўлса ишга тушади.

Овоз сенсори модули аналог ёки рақамли электроника, шу жумладан, микроконтроллерлар асосидаги электроникани ўз ичига олган қурилмаларда қўлланилади. Шунингдек, у хавфсизлик тизимларида мавжудлик детектори сифатида хизмат қилиши мумкин.