Қўшни давлатлардаги талабаларнинг барчаси ҳеч қандай имтиҳонларсиз ўқишини Ўзбекистонга кўчириши мумкинлиги ҳақидаги хабарлар рад этилди. Ижтимоий тармоқлардаги аксарият оммабоп гуруҳларда қўшни давлатлардаги талабаларнинг барчаси ҳеч қандай имтиҳонларсиз ўқишини Ўзбекистонга кўчириши мумкинлиги тўғрисида асоссиз хабарлар тарқалди.

Олий таълим, фан ва инновациялар вазирлиги ушбу хабарга муносабат билдириб, маълумот ҳақиқатга тўғри келмаслигини маълум қилди. Шунингдек, вазирлик юртдошларимиздан расман тасдиқланмаган маълумотларга ишонмасликларини сўрайди.