Ўзбекистон давлат санъат музейида Ўзбекистон халқ рассоми Чингиз Ахмаров ижодига бағишланган «Чингиз Ахмаров ижоди мутахассислар нигоҳида» номли давра суҳбати бўлиб ўтди. Бу ҳақда Маданий мерос агентлигининг ахборот хизмати хабар берди.

Таъкидланишича, тадбирда ёш тарихшунос ва санъатшунос талабаларга Ўзбекистон халқ рассоми, Академик Баҳодир Жалолов, Ўзбекистон Бадиий Академияси аъзоси, Чингиз Ахмаровнинг сулоласи вакили Шахноз Абдуллаева, Ўзбекистон Бадиий Академияси аъзоси Чингиз Ахмаровнинг шогирди Содиқ Рахмоновлар томонидан қизиқарли маълумотлар берилган.