Таиланднинг Бангкок шаҳрида бокс бўйича 22 ёшгача бўлган ўғил-қизлар (U 22) ўртасида бўлиб ўтаётган ёшлар ўртасидаги Осиё чемпионати финалида Ўзбекистондан 18 нафар спортчи финалга чиқди. Бу ҳақда Ўзбекистон бокс федерацияси матбуот хизмати хабар берди.

Энг кўп финалчи (умумий):

• Ўзбекистон — 18 нафар финалчи
• Қозоғистон — 8
• Таиланд — 7
• Мўғулистон — 5
• Хитой — 4
• Филиппин — 2
• Камбоджа, Индонезия, Непал, Вьетнам — 1 нафардан.

Аёллар ўртасидаги ярим финал натижалари:

• 48 кг гача: Фарзона Фозилова — Типсача Ёдвара (Таиланд) 5:0;
• 50 кг гача: Сабина Бобоқулова — Кай Чи (Сингапур) 5:0;
• 52 кг гача: Феруза Казакова — Тҳи Нгуен (Ветнам) 5:0;
• 54 кг гача: Нигина Ўктамова — Анел Сакиш (Қозоғистон) 5:0;
• 57 кг гача: Ситора Турдибекова — Виктория Грефеэва (Қозоғистон) 4:1;
• 63 кг гача: Зиёда Ярашова — Тананя Сомнуэк (Таиланд) 0:5;
• 66 кг гача: Навбаҳор Хамидова — Анкар Ичшанова (Қозоғистон) 5:0;
• 81 кг гача: Сахобат Хусанова — Порнипа Чути (Таиланд) 0:5.

Финал баҳсида Азиза Зокирова ва Соҳиба Рўзметова ҳам рингга кўтарилади.

25 январь куни қизлар ўртасидаги финал жангларида:

• 48 кг гача: Фарзона Фозилова — Сусма Таманг (Непал) (бошланиши соат 12:00);
• 50 кг гача: Сабина Бобоқулова — Тран Нгуен (Въетнам) (12:15 дан кейин);
• 52 кг гача: Феруза Казакова — Дашуанг Танг (Хитой) (12:30 дан кейин);
• 54 кг гача: Нигина Ўктамова — Гуийинг Фенг (Хитой) (12:45 дан кейин);
• 57 кг гача: Ситора Турдибекова — Золяргал Баттур (Мўғулистон) (соат 13:00 дан кейин);
• 66 кг гача: Навбаҳор Хамидова — Тсетсегдари Мягмарсурен (Мўғулистон) (13:45 дан кейин);
• 70 кг гача: Азиза Зокирова — Жасмин Киятова (Қозоғистон) (14:00 дан кейин);
• 75 кг гача: Соҳиба Рўзметова — Байсон Маникон (Таиланд) (14:15 дан кейин).

Маълумот учун, 18−27 январь кунлари давом этаётган турнирда 21 давлатдан 243 нафар спортчи иштирок этмоқда.