Маълумки, бир неча  узайтиришлардан сўнг қишки таътил ниҳоясига етиб, 23 январдан олий ва ўрта махсус таълим муассасаларида дарслар бошланди. Айни совуқ кунларда ўқувчиларнинг мактабга келиб-кетиши учун қулайлик яратиш мақсадида Ҳудудий электр тармоқлари АЖ Наманган ҳудудий филиали ходимлари томонидан бепул енгил авёмобиллар қатнови йўлга қўйилди.

«Мана шундай синовли кунларда Ҳудудий электр тармоқлари АЖ Наманган ҳудудий филиали томонидан одамни хурсанд қиладиган хайрли, савобли ташаббус йўлга қўйилди. Кўнгилли ҳайдовчиларни ўз сафимизга чорлаймиз», дейилади хабарда.

Наманган ҲEТК матбуот котиби Дилшод Абдувосиевнинг маълум қилишича, ҳар куни эрталаб ва кечки пайт йўлда совуқда турган ўқувчиларни мактабга етиб боришлари ҳамда қайтишлари учун бепул транспортлар, 5 та Дамас, 5 та енгил машиналар кўнгилли сифатида хизмат кўрсатади.