Сенатда 24 январь куни ННТ, давлат идоралари ва фаоллар иштирокида оиладаги зўравонлик тўғрисидаги қонуннинг жамоатчилик муҳокамаси ўтказилади. Бу ҳақда Президент Администрацияси Ижро этувчи аппаратининг Коммуникациялар ва ахборот сиёсати бўйича шўба мудири Саида Мирзиёева маълум қилди.

Унинг қайд этишича, оиладаги зўравонлик учун жиноий жазо белгиланиши зарур.

«Оиладаги зўравонлик учун жиноий жазо тайинланмагунича, ушбу жиноятга давлатнинг муносабати Жиноят кодексида аниқ акс этмагунича, бир жойда қотиб тураверамиз. Бусиз бошқа ҳеч нима ёрдам беролмайди, юзаки чоралар ҳам, энг илғор гендер лойиҳалари ҳам, қуруқ гап билан тарбиялашга уринишлар ҳам», – деб ёзади Мирзиёева.

Саида Мирзиёеванинг қўшимча қилишича, аввало аёллар олдидаги масъулиятни белгилаган ҳолда уларни ҳимояловчи қонун жорий этилиши зарур.