Туркманистон совуқ сабаб Ўзбекистонга тўхтатилган газ экспортини қайта тиклади. Бу ҳақда ЎзА хабар берди.

Аномал совуқ сабаб 12 январдан бошлаб «Дарёлиқ» станцияси орқали Ўзбекистонга газ етказиб беришни тўхтатган Туркманистон 21 январдан бошлаб яна Ўзбекистонга кунига 4,8 миллион куб метр табиий газ етказиб беришни қайта тиклади.

Маълум қилинишича, бугунги кунга келиб бу кўрсаткич 12,6 миллион куб метрга етказилган ҳамда аста-секин етказиб беришнинг кунлик ҳажми 16 миллион куб метргача ошади.