«Рома» ва Ўзбекистон терма жамоаси ҳужумчиси Элдор Шомуродов фаолиятини Франция чемпионатида давом эттириши мумкин.

«Лилл» клуби 27 ёшли форвард учун 13—14 млн евро таклиф қилишга тайёр эканлиги айтилмоқда.

Ҳозирда А Сериянинг «Торино»си Элдорнинг трансфери борасида «Рома» билан музокара олиб бормоқда. Таъкидланишича, Шомуродовнинг ўзи Италияда қолишни истайди.

Қайд этиш керак, «Лилл» 2020/21 йилги мавсум Франция чемпионига айланган. Жамоа жорий йилги мавсумда Лига 1 мусобақа жадвалида 6-ўринда бормоқда.