Об-ҳаво шароити ҳамда ҳаракат йўналиши бўйлаб автомобиль йўлларидаги мавжуд вазиятдан келиб чиқиб, 19 январдан Ўзбекистон Республикасидан халқаро йўналишларда амалга оширилувчи мунтазам автобус қатновлари қайта тикланади.

Транспорт вазирлиги 19 январь, душанба куни «Тошкент» автовокзалидан халқаро йўналишларда амалга оширилувчи автобус қатновлари рўйхатини тақдим этди:

12:00 | Тошкент – Москва (чипта нархи 1 011 000 сўм);

16:00 | Тошкент – Олмаота (чипта нархи 200 000 сўм);

16:00 | Тошкент – Остона (чипта нархи 361 000 сўм);

17:00 | Тошкент – Туркистон (чипта нархи 111 000 сўм);

18:00 | Тошкент – Қизилўрда (чипта нархи 161 000 сўм);

18:00 | Тошкент – Олмаота (чипта нархи 200 000 сўм);

18:00 | Тошкент – Бишкек (чипта нархи 261 000 сўм).

Қаттиқ совуқ сабаб Қозоғистон йўлларида автобусда қолиб кетган ўзбекистонликлар қутқарилиши билан боғлиқ бир нечта ҳолатлардан кейин, Ўзбекистондан халқаро автобус қатновлари 13 январдан бошлаб вақтинча тўхтатилганди.