Гиннеснинг рекордлар китоби веб-сайтига кўра, дунёдаги энг кекса шахс, Франциялик Люсил Рендон 118 ёшида вафот этди.

У 1904 йил 11 февралда Франция жанубида туғилган. Аёл 2022 йилнинг апрель ойида 118 ёшу 73 кунлик бўлганида дунёнинг энг кекса фуқароси деб тан олинган эди. Рандон иккита жаҳон уруши, испан гриппи ва коронавирус пандемиясидан омон чиққанди.

Бунгача сайёрадаги энг кекса одам 119 ёшида вафот этган япониялик Кейн Танака эди. Энди 115 ёшли испаниялик аёл Ер юзидаги энг кекса одамга айланди.