ИИВ Киберхавфсизлик хизмати фуқароларни интернет фирибгарларининг тузоғидан огоҳлантирди.

«Телеграм мессенжери орқали турли канал ва гуруҳларда такроран, лекин бошқа зарарли ҳавола орқали Ўзбекистон Республикаси Президентининг расмий веб-сайти кўринишидан фойдаланиб тарқатилаётган «Салом алайкум. Ўзбекистон Президентидан тўлов олдингизми? Ҳозир олинг 1.250.000 сўм» мазмунидаги хабарлар келса, асло уларга ишонманг. Ушбу хабарлар ёлғон. Эҳтиёт бўлинг фирибгарларнинг тузоғига тушиб қолманг», — дейилади Киберхавфсизлик хизмати хабарида.

Фирибгарлар тузоққа тушган фуқаро орқали телеграм мессенжерида ҳаволани бошқаларга тарқатишга уринаётгани ҳам қўшимча қилинган.