Яна 4 ҳудудда ўқув машғулотлари 23 январдан бошланиши маълум қилинди.

Қорақалпоғистон Республикаси Жўқорғи Кенгеси, Сурхондарё, Тошкент ҳамда Наманган вилояти ҳокимликлари мактабгача, мактаб ва профессионал таълим муассасалари, Президент, ижод ва ихтисослаштирилган мактаблар, олий ўқув юртларида қишки таътил 22 январга қадар узайтирилганини маълум қилди.

Ўқув машғулотлари 23 январь, душанба кунидан бошланиши эслатиб ўтилган.

Аввалроқ Тошкент шаҳри, шунингдек, Андижон, Хоразм ва Бухоро вилоятларида ҳам таътил муддати узайтирилгани ҳақида хабар бергандик.